IVANA ALAWI, MAMIMIGAY NG 20 MOTORSIKLO

 

Agaw-pansin sa social media ang panibagong post ng aktres at content creator na si Ivana Alawi matapos ianunsyo na mamamahagi ito ng dalawampung motorsiklo.

Sa kaniyang pinakabagong vlog, ipinakita nito ang 20 motorsiklo na kaniyang ipapamahagi sa maswerteng netizens sa buong bansa.

Agad naman itong umani ng iba’t ibang reaksyon mula sa netizens kung saan marami ang natuwa at namangha sa laki ng kanyang gagawing giveaway, lalo na ang mga umaasang mapalad na makakatanggap nito.

Matatandaang nagbigay din ng tulong si Alawi sa mga residenteng apektado ng pagbaha sa Apalit, Pampanga kung saan naging kontrobersyal ito matapos isagawa ang pamamahagi sa mabahang lugar.