MAHIGIT P83-MILYONG SMUGGLED NA SIGARILYO, NAKUMPISKA SA BULACAN

Nakumpiska ng mga awtoridad ang mahigit P83-milyong smuggled na sigarilyo mula sa isang warehouse sa Bocaue, Bulacan nitong Abril 24, 2025.

Ayon kay BOC-CIIS Director Verne Enciso, narekober sa warehouse ang nasa 717 master cases ng assorted branded ng mga sigarilyo gayundin sa anim pang mga trak ay puno din ng smuggled na sigarilyo.

Ilan sa mga cigarette brands na nakuha ang Modern, TS, Two Moon, Tattoo, Fort, H&P, Xplore, Carnival, Concord, RGD, Marvels, Chesterfields, at New Orleans.

Samantala, aabot naman sa kabuuang P83,700,000 ang halaga ng naturang mga sigarilyo na nakumpiska sa warehouse.