15 FILIPINO TYCOONS, KABILANG SA LISTAHAN NG MAYAYAMANG TAO SA BUONG MUNDO NG FORBES

 

Nananatili pa din sa listahan ng World’s Richest People ng Forbes Magazine 2025 ang 15 Filipino tycoons sa pangunguna ni real estate mogul Manuel Villar.

Nagtala si Villar ng net worth na $17.2 billion. Sinundan ito ni Enrique Razon, isang ports at casino tycoon, na may humigit-kumulang $10.9 billion na yaman.

Pangatlo naman si San Miguel Corp. chairman Ramon Ang na may $3.7-billion net worth. Sumunod si Lucio Tan na may $3 billion.

Gayundin, nasa listahan din ang anim na mga anak ng pumanaw na SM group founder na si Henry Sy Sr.

·         Henry Jr. ($2.3 billion);

·         Hans ($2.2 billion),

·         Herbert ($2.1 billion),

·         Harley ($1.9 billion),

·         Teresita ($1.9 billion); at

·         Elizabeth ($1.7 billion).

Kasali din sa naturang listahan ang newcomer na si Eusebio Tanco na umani ng malaking kita sa online gaming firm na Digiplus Interactive Corp.

Samantala, naungusan naman ni Elon Musk at nakuha ang top spot mula kay French luxury goods titan Bernard Arnault sa World’s Richest People ng Forbes Magazine 2025.

Si Musk ang kauna-unahang tao na nakaabot ng $300 billion net worth na maituturing na record-breaking ng Forbes Magazine.