$10-M DONASYON NG DOH SA WHO, NAIS IKANSELA NI SEN. RAFFY TULFO

 

Pinapakansela ni Sen. Raffy Tulfo ang planong pag-donate ng bansa ng humigit-kumulang P620 milyon sa World Health Organization (WHO).

Ayon kay Tulfo, mas mabuting ilaan ang naturang pondo sa medical needs ng mga Pilipino, lalo na ang pangangailangan sa mga ospital, gamot at iba pang serbisyong pangkalusugan.

Giit pa ng senador na dapat isaalang-alang muna ang kapakanan ng bansa sa halip na ilaan ito bilang donasyon sa isang international organization.

Matatandaan noong October 2024, nangako si dating Health Secretary Teodoro Herbosa na magbibigay ang Pilipinas ng $10 milyon sa WHO. Kung saan, ang pera ay nakatakdang ibigay sa apat na taunang hulog na tig-$2.5 milyon mula 2025 hanggang 2028.