PINOY LAW STUDENT, KAMPEON SA INTERNATIONAL LAW MOOT COURT COMPETITION

 

Wagi ang Ateneo de Manila University School of Law sa Stetson International Environmental Moot Court Competition, isa sa mga nangungunang international environmental law moot court competitions sa buong mundo.

Ginanap ang 2026 International Finals sa Gulfport, Florida kung saan nilahukan ito ng 22 mga grupo mula sa 12 bansa ng limang kontinente, ang Bangladesh, Brazil, China, Colombia, India, Ireland, Kenya, Pakistan, Pilipinas, Republic of Korea, Singapore, at United States.

Tinanghal na kampeon ang Ateneo matapos talunin ang kapwa Pilipinong kinatawan ng West Visayas State University College of Law sa all-Filipino championship round.

Habang, umabot naman sa semifinals ang Peking University School of Transnational Law of China at Singapore Management University.

Ang grupo ng Ateneo ay binubuo nina Dana Mica Torregosa, John Matthew A. Tuazon, Dorothy Tuazon, at Ralf Michael Borja, kasama ang kanilang mga coach na sina Atty. Ian Dominic II Mallillin, Atty. Deanne Marieli Pangan, at Atty. Isabelle Beatriz Ginez.

Matatandaang nabigo ang Ateneo na makuha ang kampyeonato noong 2007 ngunit ngayong taon ay napagtagumpayan nilang masungkit ito.

Maliban sa pagkakapanalo ng grupo, kinilala din ang isa sa kanilang miyembro na si Matthew A. Tuazon bilang Best Oralist in the Preliminary Rounds na nanguna sa mahigit 70 na mga katunggali.

Ang Stetson International Environmental Moot Court Competition ay itinatag noong 1996 at kinikilala bilang pinakamalaking moot court competition sa buong mundo na eksklusibong nakatuon sa pandaigdigang isyu sa kalikasan.