Hindi na
kakailanganin pang magkaroon ng guarantee letters o magpa-endorso sa mga
politiko para makakuha ng medical assistance sa nation government, ayon kay
Pangulong Ferdinand Marcos Jr.
Sa
kamakailang State of the Nation Address (SONA) ni PBBM, sinabi nitong maaari
nang makapag-apply ang mga pasyente ng Medical Assistance to Indigent and
Financially Incapacitated Patients (MAIFIP) program ng Department of Health
online sa pamamagitan ng eGovPH app at sa mga ospital ng DOH.
Tanging
dalawang dokumento ang kailangang isumite ng mga pasyente para makapag-apply ng
tulong-pinansyal sa medikal.
Aniya pa,
malaking tulong ang mga umiiral na digital platforms para mapadali ang proseso
at maalis na ang mga tradisyunal na guarantee letters at mahabang pila sa mga
opisina ng gobyerno.
Samantala, ibinida
din ng pangulo na umabot na sa mahigit 8 milyong mga pasyente ang nakakuha ng medical
assistance sa ilalim ng MAIFIP program.
.png)
.png)
0 Mga Komento