SUPPLY NG KURYENTE SA MGA OSPITAL SA MINDANAO NAIBALIK NA

 

Naibalik na ang power supply sa mga ospital sa Mindanao na naapektuhan ng 7.8 magnitude na lindol noong Hunyo 8.

 

Nabatid na naging prayoridad ng Department of Energy (DOE) na maibalik ang kuryente sa mga ospital, para matiyak ang patuloy na serbisyo sa mga taong naapektuhan ng malakas na lindol.

 

Aminado naman ang DOE na hindi madali ang sitwasyon ng mga indibidwal na nagtatrabaho sa mga komunidad para maibalik ang suplay ng kuryente, dahilan para pasalamatan at purihin sila ng Department of Energy sa kanilang serbisyo.

 

✍TERESA IGUID