NPA UNIT, TULUYANG NABUWAG; HULING MIYEMBRO NITO, SUMUKO NA SA GOBYERNO

 

Idineklara ng Armed Forces of the Philippines (AFP) ang tuluyang pagbuwag ng New People’s Army’s (NPA) Northeastern Mindanao Regional Committee (NEMRC) kasunod ng pagsuko ng natitirang miyembro nito sa Surigao del Sur.

Ayon sa Philippine Army’s 4th Infantry Division (4ID), pormal nang sumuko ang limang miyembro ng NEMRC sa pinagsamang-pwersa ng 401st Infantry Brigade at ng Philippine National Police Special Action Force.

Kasabay ng kanilang pagsuko, ang pag-turn-over ng carbine rifle, tatlong magazine, at 28 rounds ng ammunition.

Samantala, sinabi ni Col. Glenn Joy Aynera, acting commander ng 401st Infantry Brigade, boluntaryong sumuko ang naturang mga rebelde at nangakong susuporta sa programang pangkapayapaan ng gobyerno.