Arestado ang isang 12-anyos na batang babae matapos nitong
magpanggap na na-kidnap sa Santa Catarina, Brazil.
Ayon sa ulat, nagsimula ang insidente nang mawala ang bata hanggang
sa nakatanggap na ng text message ang magulang nito na ito ay nakidnap at
humihingi ng ransom money upang mapakawalan ito.
Laman ng text messages ang mga pagbabantang sasaktan ang bata
kapag hindi naibigay ang hinihinging ransom money ng umano’y kidnappers.
Sa takot, agad na ini-report ng mga magulang ang insidente sa
awtoridad at sinimulan ang pag-iimbestiga.
Ilang oras ang nakalipas, bago pa man ang pag-aasikaso sa
ransom money ay natagpuan ang bata sa isang bahay sa rural outskirts ng
Itaiópolis.
Inakala ng mga awtoridad na makakasalamuha nila ang mga
kidnappers ngunit laking gulat na tila na-prank sila. Pakana lang pala ito ng
bata matapos umamin na gawa-gawa lamang niya ang kidnapping upang makapangikil
ng pera sa magulang.
Dahil dito, agad na ikinustodiya ang 12-anyos na batang babae at
kinasuhan ng extortion pero tila malabong haharap sa kaparusahan dahil sa
pagiging menor de edad.
.png)
.png)
0 Mga Komento