isinusulong ni Senador Robin Padilla ang panukalang batas na
naglalayong tanggalin ang senior high school (SHS) sa basic education system
bilang tugon sa mga hamon na kinakaharap ng mga pamilyang Pilipino sa ilalim ng
K-12 program.
Sa ilalim ng Senate Bill No. 1297 o ang “Abolishing Senior High
School Education Act”, iminungkahi ng senador ang pag-amyenda sa Republic Act
No.10533 o Enhanced Basic Education Act of 2013 para pasimplehin ang basic
education cycle na kinabibilangan ng kindergarten, anim na taon sa elementarya,
at apat na taon sa sekondaryang edukasyon.
Ayon sa Senador, bagama't may magandang layunin ang K-12 program
na mapabuti ang kalidad ng edukasyon at gawing globally competitive ang mga
estudyanteng Pilipino, nananatili itong malaking hamon para sa maraming
magulang, lalo na sa gastos.
Sinabi rin ni Padilla na pabigat sa mga magulang ang dagdag na
pamasahe, tanghalian at school supplies ng kanilang mga anak.
Ayon sa panukala, may mga alalahanin din tungkol sa kakayahan ng
Senior High School curriculum na ihanda ang mga mag-aaral para sa trabaho o
kolehiyo.
✍TERESA IGUID
.png)
.png)
0 Mga Komento