Kumpiyansa pa rin ang Philippine National Police (PNP) na mahuhuli
ng mga awtoridad ang negosyanteng si Atong Ang at dating kongresista na si Zaldy
Co.
Ayon kay PNP Chief Gen. Jose Melencio Nartatez Jr., patuloy ang
pag-follow up ng mga kinauukulan sa mga lead habang nagsasagawa ng operational
plans at inter-agency coordination.
Si Ang ay nahaharap sa iba pang warrant of arrest kaugnay ng
kidnapping with homicide at kidnapping at serious illegal detention kaugnay ng
mga nawawalang bungangero.
Naglabas din ng red notice ang Interpol laban kay Ang noong Abril,
habang nag-aalok ng P20 milyon na pabuya para sa anumang impormasyon na
hahantong sa pagkakaaresto sa kanya.
Habang si Co at iba pang akusado ay nahaharap naman sa warrant of
arrest kaugnay sa umano'y maanomalyang P289 million flood control project sa
Oriental Mindoro.
Noong Abril 16, kinumpirma ni Pangulong Ferdinand Marcos Jr. na
dinala si Co sa Prague pagkatapos na harangin sa hangganan ng Germany, ngunit
nabunyag kamakailan na wala na siya sa kustodiya ng mga awtoridad ng Czech at
malamang na nasa France.
✍TERESA IGUID
.png)
.png)
0 Mga Komento