Magpapakalat ng mga pulis sa buong bansa bago ang pagbubukas
ng klase sa Hunyo 8, 2026 na layong tiyakin ang seguridad ng mga paaralan,
transport hubs, at pangunahing kalsada.
Sa isang pahayag sinabi ni PNP chief Police General Jose
Melencio Nartatez Jr., na inatasan nito ang lahat ng police units na palakasin
ang visibility patrols, traffic management, at public assistance operations
upang matiyak ang kaligtasan sa mga paaralan.
Dagdag pa dito, ipinagutos rin sa mga police commander na
makipag-ugnayan sa mga paaralan, barangay officials, at lokal na traffic
offices, habang magtatayo ng police assistance desks sa mga strategic na lugar
para sa agarang tugon sa mga reklamo at emerhensiya.
Samantala hinimok naman ng PNP ang mga magulang, barangay
officials, at volunteers na makiisa sa pagpapanatili ng seguridad, lalo na sa
mga mataong lugar kung saan maaaring maging biktima ng nakawan at panlilinlang
ang mga estudyante.
✍TERESA IGUID
.png)
.png)
0 Mga Komento