Ipinahayag ni
Interior and Local Government Secretary Jonvic Remulla na ipatutupad ang
pagbabawal sa mga videoke session lampas alas-10 ng gabi bilang bahagi ng
pagpapanatili ng kaayusan at katahimikan sa mga komunidad.
Sa isang
press briefing, binigyang-diin ni Remulla ang kahalagahan ng pagkakaroon ng konsiderasyon
sa kapwa, lalo na sa mga residente na nagpapahinga na sa nasabing oras.
Ayon sa
kalihim, ang labis na ingay mula sa videoke ay isa sa mga karaniwang sanhi ng
alitan sa mga barangay.
Pinayuhan din
ang publiko na maaaring tumawag sa 911 upang i-report ang mga lumalabag sa
patakaran. Dagdag pa niya, agad na tutugunan ng mga kinauukulan ang mga reklamo
upang masiguro ang pagsunod sa umiiral na alituntunin.
Gayunpaman,
nilinaw ng kalihim na may mga exception sa nasabing patakaran kung saan pahihintulutan
ang videoke lampas alas-10 ng gabi sa panahon ng mga pista at iba pang espesyal
na okasyon, basta’t may kaukulang permit mula sa barangay.
Ang nasabing
hakbang ay bahagi ng mas pinaigting na pagpapatupad ng mga lokal na ordinansa
ukol sa noise control upang mapanatili ang kapayapaan at kaayusan sa mga
pamayanan.
.png)
.png)
0 Mga Komento