REUSE NG SYRINGE, INIUUGNAY SA DAAN-DAANG HIV CASES SA PAKISTAN

 

Umabot na sa 331 kabataan ang nagpositibo sa Human Immunodeficiency Virus (HIV) sa isang medical facility sa Pakistan, ayon sa mga ulat.

 

Batay sa imbestigasyon, napag-alaman na paulit-ulit umanong ginagamit ang mga syringe kung saan umaabot sa hindi bababa sa sampung beses ang paggamit nito sa multi-dose vials.

 

Nadiskubre rin na hindi gumagamit ng gloves ang ilang medical staff sa pag-administer ng injection, hindi maayos ang pagtatapon ng medical waste, at may mga kagamitang iniiwan sa hindi sterile na kondisyon.

 

Gayunpaman, pinabulaanan ng naturang medical facility ang mga natuklasan sa imbestigasyon.