Tinanggap ni Pangulong Ferdinand Marcos Jr., ang pagbibitiw
sa puwesto ni National Security Adviser Eduardo Año.
Ito ay matapos na magdesisyon Año na magretiro mula sa
public servce matapos ang dekada ng patuloy na pagseserbisyo sa gobyerno at sa
militar.
Sa press briefing sa Malakanyang, sinabi ni Presidential
Communications Office (PCO) Undersecretary at Palace Press Officer Claire
Castro na nagpapasalamat si Pangulong Marcos kay Año para sa dedikasyon at
natatanging serbisyo nito sa mga mamamayang filipino.
Dahil dito itinalaga naman ng Pangulo si Eduardo Oban Jr.
bilang kapalit ni Año.
Si Oban ay isang dating chief-of-staff ng Armed Forces of
the Philippines at nagtapos ng Philippine Military Academy Class of 1979. Siya
ay may malawak na karanasan sa military operations, defense planning, at
national security, nagsilbi rin bilang Deputy Chief of Staff for Plans, J5, at
naging pinuno ng Visiting Forces Agreement Commission.
✍️ TERESA IGUID
.png)
.png)
0 Mga Komento