Nakatakdang
tumanggap ng ₱5,000 cash assistance ang bawat driver ng pampublikong sasakyan
sa Western Visayas, ayon sa Department of Social Welfare and Development
(DSWD).
Pinalawak ng
ahensya ang kanilang programang ayuda upang maisama ang mga public utility
jeepney (PUJ), taxi, at transport network vehicle service (TNVS) drivers bilang
mga benepisyaryo.
Ayon sa DSWD,
sisimulan ang pamamahagi ng naturang ayuda sa Abril 16, matapos makumpleto ang
paunang payout para sa mga tricycle driver sa Iloilo City, Passi City, Roxas
City, at iba pang munisipalidad sa rehiyon.
Nilinaw rin
ng ahensya na tanging mga driver na may opisyal na prangkisa na inisyu ng
kani-kanilang local government units (LGUs) ang kwalipikadong makakatanggap ng
tulong, bilang hakbang upang maiwasan ang dobleng pagbibigay ng benepisyo.
Sa
kasalukuyan, nagpapatuloy ang validation at de-duplication ng listahan ng mga
benepisyaryo na isinumite ng mga LGU. Hinihintay din ng DSWD ang karagdagang
mandato mula sa central office upang matiyak ang maayos at sistematikong
proseso ng pamamahagi.
Ang nasabing
cash assistance ay bahagi ng hakbang ng pamahalaan upang maibsan ang epekto ng
kasalukuyang krisis, lalo na sa sektor ng transportasyon, na pinalala ng
tensyon sa Middle East.
.png)
.png)
0 Mga Komento