DOUBLE-DIGIT NA PAGTAAS SA PRESYO NG LPG, IPINATUPAD SA UNANG ARAW NG ABRIL

 

May pagtaas sa presyo ng liquefied petroleum gas (LPG) na hanggang sa double-digit ngayong Abril 1, bunsod ng paggalaw ng international contract prices.

 

Nabatid sa Petron Corporation, na nagpatupad ito ng ₱20 kada kilo na dagdag-presyo o katumbas ng humigit-kumulang ₱220 na dagdag sa karaniwang 11-kilogram na tangke.

 

Habang tinataya na ₱17 kada kilo naman ang itataas sa Solane LPG sa kaparehong araw.

 

Batay sa datos ng Department of Energy (DOE), nasa pagitan ng ₱818.62 hanggang ₱1,128.62 ang presyo ng isang 11-kilong LPG tank noong Marso 2026.

 

Nauna nang nagbabala ang LPG Marketers Association (LPGMA) na maaaring umabot sa ₱1,500 ang presyo ng LPG tank sa Abril dahil sa tumataas na shipping costs na dulot ng limitadong access sa Strait of Hormuz.

 

✍TERESA IGUID