BARKO NG CHINESE MARINE RESEARCH, NAMATAAN SA EEZ NG JAPAN

 

 

Kinumpirma ng Japan Coast Guard na may isang Chinese marine research vessel na nag-o-operate sa loob ng exclusive economic zone (EEZ) ng Japan, west-northwest ng Uotsuri Island, nitong Lunes.

 

Ayon sa ulat, namataan ang naturang barko malapit sa teritoryo ng Japan.

Napansin ng mga awtoridad na naglalabas ito ng isang kagamitang kahalintulad ng tubo mula sa magkabilang parte ng barko, pati na rin ng isang wire-like equipment mula sa hulihan nito papunta sa dagat.

 

Dahil dito, agad na nagpadala ng radio warning ang Japan Coast Guard sa Chinese vessel, na pinaniniwalaang nagsasagawa ng marine scientific research nang walang pahintulot mula sa Japan.

 

Patuloy namang mino-monitor ng coast guard ang aktibidad ng barko, kasabay ng paulit-ulit na panawagan na itigil ang operasyon nito sa nasabing lugar.