Isang lalaki
ang nahuli sa CCTV habang nagnanakaw sa loob ng isang punerarya sa Puerto
Princesa.
Ayon sa ulat,
naganap ang insidente habang tulog ang lahat ng nasa loob ng establisyemento.
Agad naman
itong sinamantala ng suspek upang maisagawa ang kanyang krimen.
Sinasabing
dumating ang lalaki sakay ng motorsiklo at dahan-dahang pumasok sa funeral home
matapos matiyak na tulog ang mga nasa loob.
Makikita sa
CCTV footage na ilang sandali lamang ang itinagal ng suspek sa loob bago ito
lumabas na may dalang bag na naglalaman ng tatlong cellphone at pera.
Kapansin-pansin
din ang pagiging kalmado ng suspek sa kabila ng kanyang ginawa. Sa halip na
magmadali, huminto pa ito upang uminom ng softdrinks at kumuha pa ng ilan bago
tuluyang umalis sa lugar.
Dahil malinaw
na nakunan ng CCTV camera ang mukha ng suspek, agad siyang natukoy ng mga
awtoridad. Lumalabas din sa imbestigasyon na mayroon na itong naunang rekord ng
pagnanakaw.
Sa ngayon ay
patuloy ang isinasagawang hakbang ng mga awtoridad upang mapanagot ang suspek
sa kanyang krimen.
.png)
.png)
0 Mga Komento