Ibinabala ng Scam Watch Pilipinas ang
dumaraming travel scams kasabay ng pagsisimula ng Holy Week exodus, kung saan
target ang mga Pilipinong naghahanap ng mas murang biyahe.
Ayon kay Scam Watch PH co-founder Jocel
de Guzman, ang pagtaas ng pamasahe dulot ng mahal na langis ang nagtutulak sa
mas maraming Pilipino na maghanap ng diskwento, kaya mas nagiging bulnerable sa
panlilinlang.
Kabilang sa mga karaniwang modus ang
pekeng accommodation na inaalok sa mababang presyo ngunit hindi naman totoo.
Pinapayuhan ang mga biyahero na mag-book lamang sa mga verified platforms at
direktang makipag-ugnayan sa hotel bago magbayad.
Nagbabala rin ang grupo laban sa fake
Wi-Fi hotspots sa mga airport, hotel, at tourist areas na ginagamit upang
makuha ang personal at banking information ng mga gumagamit.
Dahil dito hinimok nito ang publiko na
iwasan ang madaliang pagbabayad, pagberipika ng mga alok, at pag-report ng
kahina-hinalang transaksyon sa national anti-scam hotline 1326.
✍TERESA IGUID
.png)
.png)
0 Mga Komento