Isang
kontrobersyal na insidente ang naganap sa North Port High School sa North Port,
Florida na kinasasangkutan ng dating principal na si George Kenney.
Ayon sa mga
ulat, mahigit 70 estudyante at ilang guro ang sumailalim sa hypnosis sessions
na isinagawa ni Kenney, kahit wala siyang lisensya bilang propesyonal na
hypnotherapist. May ilan na nagsabing nakatulong umano ito sa pagpapabuti ng
kanilang academic at athletic performance.
Gayunpaman,
tatlong high school students na sumailalim sa nasabing sessions ang namatay sa
loob lamang ng ilang linggo matapos ang hypnosis. Kabilang sa mga ito sina
Wesley McKinley, Marcus Freeman, at Brittany Palumbo.
Ipinahayag ng
ilang magulang na may malaking pagbabago sa asal at pag-iisip ng kanilang mga
anak matapos ang hypnosis. Ayon sa kanila, tila naging “zombie” umano si
McKinley, habang si Palumbo naman ay nagkaroon ng memory lapses at nawalan ng
gana sa buhay.
Mariing
itinanggi ni Kenney na may kinalaman siya sa mga pagkamatay. Sinabi rin niyang
hindi niya alam na maaaring maging mapanganib ang hypnosis sa mga taong may
depresyon o iba pang mental health conditions, at inamin na hindi siya
nagsasagawa ng medical o psychological screening bago ang sessions.
Upang
maiwasan ang mas mabigat na parusa at mapanatili ang kanyang retirement
benefits, umamin si Kenney sa kasong misdemeanor na practicing therapeutic
hypnosis without a license. Siya ay hinatulan ng probation at community
service.
Noong 2015,
nagbayad ang school district ng tig-$200,000 na settlement sa pamilya ng bawat
biktima.
.png)
.png)
0 Mga Komento