PAROKYA SA LAS PIÑAS CITY, NAGBABALA UKOL SA URI NG NOVENA NA INIIWAN SA LOOB NG SIMBAHAN

 

Nagbabala ang Immaculate Conception Parish, Gatchalian sa Las Piñas City ukol sa isang uri ng “Novena” na iniiwan sa loob ng simbahan.

Ayon sa Parokya, ang naturang klase ng “Novena” ay hindi aprubado ng simbahan matapos madiskubreng may halo itong pamahiin o superstition.

Sinabi pa ng simbahan na mayroong nakasulat na “Make (81) Copies”, isang malinaw na indikasyon ng pamahiin.

Kung kaya’t nagbabala ang naturang Parokya na may dulot na panganib ang nasabing uri ng “Novena” kung saan, nilalabag nito ang Unang Utos o First Commandment na nagsasaad na ang sinumang maniwala o umasa sa pamahiin ay nagkakasala.

Dagdag pa dito, batay sa Exorcistis ang paniniwala at pakikiayon sa mga pamahiin ay maaaring maging “opening” o pintuan sa tinatawag na demonic influence o demonic attachment, na maaaring makapinsala sa espiritwal na kalagayan ng isang tao.   

Dahil dito, hinikayat ng Parokya ang publiko sa sinumang makakakita sa naturang “Novena” sa loob ng simbahan ay agad kunin at sunugin.

Bagama’t nilinaw ng simbahan na hindi masama ang novena, ngunit kung ito ay hahaluan ng mga paniniwala at bagay na labag sa pananampalataya, ito umano ay nagiging masama.