Isang
kalunos-lunos na krimen ang yumanig sa Valencia City, Bukidnon matapos
matagpuang patay ang isang 15-anyos na dalagita sa isang plantasyon ng tubo sa
Barangay Dagat Ki Davao noong Enero 8, 2026.
Ayon sa mga
awtoridad, pinugutan ng ulo ang biktima, dahilan upang ilarawan ang insidente
bilang isang karumal-dumal na pagpatay. Natagpuan ang kanyang bangkay sa isang
masukal na bahagi ng gubat, habang ang ulo nito ay nadiskubre ilang metro ang
layo mula sa katawan.
Kinilala ang
biktima na si Jennifer Encarnacion, na nauna nang iniulat na nawawala noong
Enero 6, 2026.
Mariing
kinondena ni Valencia City Vice Mayor Cecil Galario ang insidente at
nag-anunsyo ng ₱200,000 cash reward para sa sinumang makapagbibigay ng
impormasyong makatutulong sa pagkakakilanlan at pagkakaaresto ng suspek.
Sa
kasalukuyan, patuloy ang masusing imbestigasyon ng mga awtoridad at ang
pangangalap ng ebidensiya upang mabigyang hustisya ang pagkamatay ng biktima.
.png)
.png)
0 Comments