UTOT NG PASTOR, NAKAKAPAGPAGALING DAW?

 

Viral ang isang pastor sa South Africa sa kakaibang paraan nito ng pagpapagaling.

Makikita sa viral nitong larawan, inupuan ng naturang pastor ang mukha ng isang indibidwal at tsaka maglalabas ng utot.

Ayon sa mga ulat, tinatawag itong “fart healing” na pinaniniwalaang nakakapagpagaling.

Maraming nagsasabi na inuututan niya ang mga tao, bagay na pinabulaanan ng pastor.

“I don’t fart on people -I heal people," ani Pastor Christ Penelope ng SevenFold Holy Spirit Ministries sa Siyandini Village sa Giyani, Limpopo, South Africa.

Dahil dito, dinagsa ng mga tao ang simbahan upang personal na masaksihan ang unorthodox pastor.

Giit ng pastor, ang ginagawa nito, “is not by flesh but by faith”. Aniya pa, sa tuwing umuupo siya sa kaniyang mga tagasunod, wala umano silang nararamdamang sakit dahil sa Holy Spirit.

Gayunman, ayon sa science, walang ebidensya na ang “human gas” ay may pisikal o espiritwal na healing effect. Sa halip, ito ay isang normal na waste gas mula sa digestive system, at hindi napatunayan na nakagagamot ng sakit.

Subalit, sa kabila ng kontrobersiya, may mga tagasunod pa ring naniniwala at handang maghintay nang matagal para “mapagaling.”

May ilan pa raw na nagkokolekta ng fart sa container na parang “banal na relic.”