Kinondena ng
Prelature of Isabela ang kumakalat na edited photo online na nagpapakita kina
Sen. Rodante Marcoleta bilang si St. Isabel of Portugal kasama si Vice
President Sara Duterte na tila nagdarasal.
Ayon kay
Basilan Bishop Leo M. Dalmao, ang naturang larawan ay hindi lamang nakakalito
sa publiko kundi isa ring malinaw na kawalan ng respeto sa pananampalatayang
Katoliko at sa mga sagradong simbolo ng Simbahan.
Binigyang-diin
ng Obispo na hindi dapat pinapairal ang ganitong uri ng digital manipulation,
dahil nagdudulot ito ng maling impormasyon at paglabag sa dignidad ng mga
relihiyosong imahe. Nanawagan din siya sa publiko na pairalin ang katotohanan
at ethical communication sa online communities.
Samantala,
ang naturang edited photo ay unang ibinahagi ng Facebook page na “Balita at
Kaalaman,” na agad namang nakapukaw-pansin at umani ng reaksiyon mula sa
netizens.
.png)
.png)
0 Comments