LISENSYA NG PICKUP DRIVER NA NAMBUGBOG SA MATANDANG BUS DRIVER, SUSPENDIDO NG 90-ARAW

 

Nauwi sa pisikalan ang pagbanggaan ng isang pickup na sasakyan at ang Public Utility Bus (PUB) sa Silang, Cavite.

Makikita sa video ang pambubogbog ng pickup driver sa matandang driver ng pampasaherong bus.

Dahil sa nangyari, agad na ipinatawag ng Land Transportation Office (LTO) ang driver ng Toyota Hilux na minamaneho ni Arny Jose Montes upang magpaliwanag.

Pinatawan din ng 90-araw na suspensyon ang lisensya ng naturang driver dahil sa pambubogbog nito sa bus driver.

Samantala, iginiit ni Acting Transportation Secretary Giovanni Lopez na walang puwang sa kalsada ang mga abusadong driver.

“Hindi tayo hihinto sa pagsuspinde ng lisensya ng mga driver na sangkot sa road rage. Lalo na sa insidenteng ito, kitang-kita sa video kung paano nya sinaktan ‘yung matandang driver. Hindi natin palalampasin ang ganyang mga maling asal,” ayon sa acting transport chief.