Patay ang
isang 27-anyos na dating miyembro ng New People’s Army habang sugatan naman ang
isang 19-anyos na babae matapos pagbabarilin ng dalawang hindi pa nakikilalang
armadong lalaki sa Sitio Sinuwayan, Barangay Camalandaan, Cauayan, Negros
Occidental nitong Lunes.
Base sa
imbestigasyon, dumalo umano ang biktimang lalaki sa isang birthday celebration
at nakipag-inuman. Dahil sa kalasingan, nagpasya siyang makitulog sa bahay ng
may selebrasyon.
Ilang sandali
ang lumipas, dumating ang mga suspek at tinawag palabas ang biktima. Paglabas
niya ng bahay, agad siyang pinaputukan ng mga salarin gamit ang mahahabang
armas. Nagtamo siya ng mga tama ng bala na naging sanhi ng kanyang pagkamatay.
Nadamay naman
sa insidente ang isang babaeng dalagita na tinamaan ng ligaw na bala sa
kaliwang braso at agad na dinala sa pagamutan.
Sa crime
scene, narekober ng pulisya ang limang basyo ng bala ng 5.56mm at isang basyo
ng 7.62mm.
Napag-alaman
din na ang biktima ay bagong laya matapos makapagpiyansa sa kasong
motornapping. Patuloy pa ang imbestigasyon ng mga awtoridad upang matukoy ang
motibo at pagkakakilanlan ng mga salarin.
.png)
.png)
0 Comments