MGA ESTUDYANTE SA PALAWAN, NAG-PANIC SA PAG-AMOK NG ISANG BINATILYO

 

Nagdulot ng takot sa mga residente ang pag-amok ng isang binatilyo sa isang Sports Complex sa Narra, Palawan.

Sa video, makikita ang isang bintailyo na may dala-dalang malaking kutsilyo at tila hinahabol ang mga estudyante at ilang indibidwal na nagpa-practice sa lugar.

Bagama’t wala namang nasaktan sa naturang pag-atake ng lalaki, nagdulot naman ito ng trauma at takot sa mga estudyante at mga pamilyang nandoon sa pasilidad.

Ayon sa mga nakasaksi, nauna na nilang nakita ang naturang lalaki na nagiging agresibo kung saan bigla nitong hinahampas ang mga bagay gamit ang mga bamboo sticks.

Ikinabahala naman ito ng mga residente dahilan na nanawagan sila ng agarang aksyon sa lokal na awtoridad.

Samantala, marami ang naniniwala na tila isang wake-up call ang nasabing insidente para mas lalo pang higpitan ang seguridad sa mga pampublikong lugar.