LOLO SINAKSAK NG KAPWA LOLO DAHIL SA SELOS SA GITNA NG ZUMBA SESSION

Isinugod sa ospital ang isang 62-anyos na senior citizen matapos saksakin habang nasa kalagitnaan ng zumba session sa Ormoc City kahapon, Agosto 17.

Ang suspek ay kinilalang si Alfredo Simon, 72-anyos na isang retiradong miyembro ng Philippine Constabulary.

Lumalabas sa imbestigasyon na nagseselos umano ang suspek sa biktima dahil naghihinala ito na may delasyon sa kanyang misis.

Agad namang naaresto ang suspek sa isagawang hot pursuit operation at narekober ang isang kutsilyo at cal. 38 revolver at mga bala.

Kaugnay nito sasampahan ng kasong frustrated murder at paglabag sa RA 10591 o Comprehensive Firearms and Ammunition Regulation Act ang suspek.