MAYOR NG MEXICO, NAGPAKASAL SA ISANG BUWAYA

 

Sa halip na kapwa tao ang mapapangasawa nito, itinali ng isang mayor sa Mexico ang sarili nito sa isang babaeng buwaya.

Kinasal si Victor Hugo Sosa sa isang caiman reptile na pinangalanang “Alicia Adriana” at sumailalim sila sa isang tradisyunal na seremonya.

Tinawag ding “princess girl” ang naturang hayop na pinaniniwalaang magbibigay ng magandang kapalaran sa nasasakupan ni Sosa.

Nang rumampa ang alkalde hawak ang papakasalang buwaya, pinalakpakan at sinayawan sila ng mga residente sa San Pedro Huamelula.

"I accept responsibility because we love each other. That is what is important,” sabi ng alkadle sa gitna ng isinagawang ritwal.

"You can't have a marriage without love... I yield to marriage with the princess girl," dagdag pa nito.

Nakunan din ng larawan ang paghalik ni Sosa sa ulo ng buwaya.

Ang pagpapakasal ng lalaki sa babaeng caiman ay ginanap sa kaparehong lugar sa loob ng 230-taon upang gunitain ang kapayapaan sa pagitan ng mga katutubong grupo ng Chontal at Huave.

Nabatid na ang mga caiman ay naninirahan sa mga latian at endemic sa Mexico at gitnang Amerika.