COBRA SA INDIA, DEAD ON THE SPOT SA KAGAT NG ISANG 2-ANYOS NA BATA

 

Nagulat ang pamilya ng 2-anyos na batang lalaki nang mapatay nito ang isang cobra na pumulupot sa kaniyang mga kamay sa bayan ng Bettiah, India.

Sa ulat, naglalaro ang bata nang makita nito ang ahas. Dahil sa pagka-curios ay bigla nitong nilapitan ang ahas at tsaka binato ng isang brick.

Mabilis na umatras ang ahas at pumulupot sa mga kamay ng bata.

Napansin naman ito ng mga pamilya ng bata dahilan na napatakbo sila dito ngunit bago pa man sila nakalapit ay nakagat na ng bata ang ahas at tsaka ito namatay.

Matapos ang pangyayari, nawalan ng malay ang bata kung kaya’t mabilis siyang isinugod sa ospital.

Maswerte naman na naligtas mula sa nakakalasong venom ng ahas ang bata nang agad itong bigyan ng gamot.

Nabatid na ang India ay tahanan ng mahigit 300 na mga ahas kabilang na ang 60 mga ahas na highly venomous.