BABAENG THAI, NAKADALE NG 13 NA MGA MATATAAS NA MONGHE

 

Arestado ang isang babaeng taga-Thailand matapos umano nitong ginawang pang-blackmail ang kaniyang video scandal kasama ang isang Buddhist monks.

Si Wilawan Emsawat o mas kilala sa palayaw nitong Sika Golf, 35-anyos, ay inakusahan ng pagkakasangkot sa pakikipagrelasyon ng sekreto sa 13 mga monghe, money laundering at pagtatanggap ng mga nakaw na kagamitan.

Sa report, kumikita umano si Emsawat ng halos £9million (mahigit P691 milyon) matapos gamitin ang mga video footage at mga larawan kasama ang mga senior religious para makapangikil ng pera.

Isa sa mga nabiktima nito ang 53-anyos na monghe na hiningan niya ng £179,000 (mahigit P13 milyon).

Binantaan pa ni Emsawat ang matandang monghe na ilalantad nito ang kanilang relasyon sa kapwa monghe kapag hindi nito ibibigay ang hinihiling na halaga.

Dahil dito, nabahala ang Buddhist world sa naturang kaso at kinuwestyon ang transparency, disiplina at lumalaking pagkadismaya sa religious elite sa Thailand.