30 SUGATAN MATAPOS ARARUHIN NG SASAKYAN SA L.A.

 

Sugatan ang humigit-kumulang 30 katao matapos sumadsad ang isang sasakyan sa maraming tao sa labas ng Los Angeles nightclub nitong Sabado, Hulyo 19.

Ayon sa ulat, nangyari ang insidente matapos pinaalis sa isang kalapit na business establishment ang isang indibidwal dahil sa kalasingan at panggugulo. Siya rin ang drayber ng sasakyang umararo sa mga tao.

Matapos ang insidente, agad siyang sinugod ng mga tao at hinila pabalas ng sasakyan tsaka siya pinagtulungang bugbugin.

Sa gitna ng pambubogbog, ang driver ay binaril ng isang lalaki na pinaghahanap ng mga awtoridad.

Hindi pa matukoy ang motibo ng drayber sa insidente ng pag-araro nito sa mga tao.

Dahil sa nangyari, nakatakdang aarestuhin ang naturang drayber dahil sa pananakit at pagkakarekober ng deadly weapon.

Samantala, pitong indibidwal naman ang nasa kritikal na kondisyon at anim ang malubhang nasugatan mula sa insidente.