3 SUSPEK, NAARESTO SA TULONG NG DRONE

 

Nasakote ang tatlong mga suspek matapos pasukin at nakawan ang isang eskwelahan sa Brgy. Antipolo sa Medellin Cebu.

Sinasabing nakuha ng mga suspek ang ilang pera, iba’t ibang mga item, at ang armas ng security guard na 9 mm pistol.

Sa pamamagitan ng isinagawang “drone-aided hot pursuit operation” ay agad na naaresto ang mga suspek.

Habang, nakatakas naman ang ikaapat na suspek.

Narekober din sa tatlong mga suspek ang tatlong baril kabilang na ang 9 mm na ninakaw mula sa security guard.

Samantala, pinuri naman ni Police Brigadier General Redrico Maranan, PRO-7 director, ang agarang aksyon ng kapulisan ng Medellin police kung saan naging highlight ang paggamit ng modernong teknolohiya.