P5.7-M HALAGA NG BAGONG SASAKYAN, REGALO NI ZEINAB HARAKE SA ASAWANG SI BOBBY RAY PARKS

 

Sinorpresa ng social media influencer na si Zeinab Harake ang asawa nitong si Bobby ray Parks ng bagong Toyota Land Cruiser na nagkakahalaga ng P5.7-milyon bilang regalo sa araw ng kanilang kasal sa Tagaytay.

Sa isang vlog, ibinahagi ang emosyunal at masayang kaganapan ng mag-asawa sa araw ng kanilang kasal kung saan nagpalitan ang mga ito ng kani-kanilang regalo sa isa’t isa.

Nag-standout naman sa video ang eksena kung saan tumulong ang kanilang anak na sina Bia at Lucas sa paghatid ng mga regalo sa mag-asawa.

Hindi maitago ni Ray ang saya nang makatanggap ito ng regalo mula sa asawa nitong si Zeinab.

Habang, nakatanggap din ng isang luxurious bag na Hermes mini Kelly bag na nagkakahalaga ng mahigit P2-milyon si Zeinab mula kay Ray.

Ang mga regalo ay may kasamang mga liham mula sa mag-asawa, na nagdulot ng pagiging memorable nito.