EX-BEAUTY QUEEN, SINABING HINDI SWAK SA PANLASA NITO ANG MGA CAKES NG PUERTO PRINCESA

 

“LASANG MARGARINE, LASANG KANTO”

Ganito kung ilarawan ng isang dating beauty queen ang kalidad ng mga cake sa Puerto Princesa City, Palawan.

Sa isang post ni dating Miss Earth Philippines Imelda Schweighart, ibinahagi nito ang kaniyang opinyon ukol sa kalidad ng mga local baked goods na tila hindi swak sa panlasa nito.

Sinabi ni Schweighart na ang kanyang mga pahayag ay batay sa personal na panlasa at hindi nito nilalahat ang mga lokal na panadero.

“What I posted was my personal opinion — hindi generalization,” anito. “Sabi ko: ‘This is a sentiment I have.’ ‘Medyo hindi swak sa panlasa ko.’”

“Wala akong sinabi na lahat ng bakers ay walang kwenta. Wala akong binanggit na pangalan. Pero somehow, some of you felt attacked. That’s… interesting,” dagdag pa nito.

Nauna nang nag-post si Schweighart na tila hindi ito natutuwa sa mga cakes at pastries ng Puerto Princesa.

“Pwede na ang lasa pero cakes , pastries medyo hindi talaga swak sa panlasa ko. Walang gumagawa ng kakaiba dito.. puro ensaymada na hindi fluffy, or.. mga chakang kanto baked bread,” saad nito.

Ngunit, sa ikalawang post, nilinaw ng dating beauty queen na hindi ito namba-bash, kundi ibinabahagi lang nito ang personal na karanasan at opinyon tungkol sa isang bagay o pagkain.

Samantala, idiniin nitong bukas siya sa sinumang magpapatunay na mali ito.

 “I’m open to be proven wrong. In fact, I’d love to find a truly good cake in Puerto Princesa. This isn’t hate — this is a call for excellence. Kaya kung meron ka d’yan na pang-Mary Grace levels… slide it to me,” saad nito.