NAWAWALANG DALAGITA, NATAGPUAN SA BAKURAN NG TIYUHIN NG KANIYANG JOWA

 

Patay na ng matagpuan ang isang 18-anyos na dalagita na napaulat na nawawala sa Pawa, Tobaco City, Albay nitong Hunyo 21, 2025.

Ayon sa ulat, sinabi ng pamilya ng nobyo ng biktima na nagpaalam itong pupunta sa bahay ng kaniyang tiyuhin ngunit lumipas ang 24-oras ay hindi pa rin ito nakabalik.

Dito na nagdesisyong makipag-ugnayan ang pamilya ng biktima sa mga pulis sa lugar upang puntahan ang bahay ng sinasabing tiyuhin kung saan umano tumungo ang dalagita at nobyo nito.

Pagdating sa lugar, wala naman silang nadatnan na bakas ng biktima.

Sa pagdaan ng ilang oras, sumuko sa mga awtoridad ang suspek na boyfriend ng biktima. Itinuro din nito kung saan inilibing ang bangkay ng biktima.

Pahayag ng suspek, nagkaroon umano sila ng pagtatalo ng biktima kung kaya’t sinakal niya ito hanggang sa malagutan ng hininga.

Sa ngayon, hawak na ng PNP ang suspek, habang patuloy ang isinasagawang malalimang imbestigasyon sa insidente.