BOMB THREAT, NATAGPUAN SA TOILET PAPER SA EROPLANO NG CEBU PACIFIC SA ZAMBOANGA

 

Nakatanggap ng bomb threat ang isang pasahero sa Zamboanga International Airport nitong Sabado.

Ayon sa Civil Aviation Authority of the Philippines (CAAP), nadiskubre ng isang crew member ng Cebu Pacific flight 5J851 patungong Manila ang isang rolyo ng toilet paper sa loob ng CR ng eroplano na may nakasulat na “may bomba”.

Agad na nag-report sa ground security personnel ang nasabing flight attendant at nirespondehan naman ito.

Sa isinagawang inspeksyon, walang bomba na natagpuan sa loob ng eroplano.

Kung kaya’t balik-normal na ang operasyon ng Zamboanga International Airport.

Samantala, nagpaalala naman ang CAAP sa publiko sa posibleng kakaharapin na parusa sa sinumang may pakana sa likod ng bomb threat alinsunod sa Presidential Decree No. 1727.