AMA, UMAASA SA "SECOND MIRACLE" NA MATAGPUAN ANG ANAK AT NANAY NITONG NAWAWALA MATAPOS ANG INSIDENTE NG PAGBAGSAK NG EROPLANO

 

Naiwan ang 2-anyos na bata at ang lola nang mangyari ang insidente ng pagbagsak ng Air India jet sa college hostel sa India.

Sa ulat, 30-minuto bago ang insidente ay lumabas si Ravi Thakor, tagapagluto ng hostel canteen, kasama ang asawa nito upang mag-deliver ng lunch boxes habang naiwan naman ang kanilang 2-anyos na anak at ang lola nito.

Umaasa naman si Thakor sa ikalawang himala na mahahanap nito ang anak at ang lol anito katulad ng pagkakaligtas ng isang pasahero mula sa 242 kataong sakay ng eroplano.

Ayon kay Thakor, inakala nito na ang narinig na malakas na putok ay mula sa sumabog na gas cylinder ngunit ngunit maya-maya lang ay napansin niyang nilalamon ng apoy ang gusaling iniwan niya.

Sa loob ng ilang araw, bigo nitong mahanap ang anak at kaniyang nanay sa mga ospital at maging sa morgue.

Kung kaya’t nananatili pa ding nawawala ang 2-anyos na bata at lol anito.

Samantala, humigit-kumulang 271 katao ang namatay sa insidente kung saan 241 dito ang mga pasahero at crew ng eroplano at ang natitirang bilang ay mga taong nasa lupa na karamihang nasa loob ng hostel building.