BABAE, NAIMPEKSYON ANG ILONG DAHIL SA UTOT NG DATING NOBYO

 

Hindi lubos akalain ng isang babae sa United States na halos pitong taon siyang nagdurusa sa walang-humpay na sinus infection.

Nang komunsulta sa doktor, nadiskubre na ang salarin sa kaniyang impeksyon ay ang utot ng kaniyang dating nobyo.

Ayon kay Christine Connell, nag-umpisa ang kaniyang sintomas nang mag-overnight ito sa isang hotel room kasama ang kaniyang dating nobyo. Nagpapahinga ito mula sa isang knee surgery nang bigla na lang bumuga ng masangsang na amoy ng hangin ang nobyo habang nagbibihis sa harap nito.

Nung una, hindi naniwala si Christine na utot ng kaniyang dating nobyo ang dahilan ngunit nadiskubre ng mga doktor na ito ang sanhi nang kumuha ito ng culture sample mula sa ilong nito.

Ang sinus infections ay ang pamamaga ng mga sinus - cavities sa ilong, mga pisngi at noo – na karaniwang nangyayari matapos makaranas ng sipon o trangkaso.

Sinabi pa ni Christine na hindi na gumagana sa kaniya ang mga antibiotics kung kaya’t sumailalim ito sa surgery upang tuluyang tanggalin ang bacteria.

“I realised that my ex-boyfriend got the best possible break-up revenge that anyone could ever get,” ani ni Christine.