8 PNP CHIEFS SA METRO MANILA, SINIBAK SA PWESTO DAHIL SA MAHINANG EMERGENCY RESPONSE

 

Nasibak sa pwesto ang walong hepe ng Metro Manila alinsunod sa utos ng Philippine National Police (PNP) chief Gen. Nicolas Torre III.

Ito’y matapos bigo nilang tugunan limang minutong oras ng pagtugon sa mga problema sa kapayapaan at kaayusan na utos ni PNP chief Gen. Torre III.

“If they can’t step up to that standard, we will look for commanders who will do so,” ayon kay PNP chief Gen. Torre III. “That is our commitment to the President and to the Filipino people.”

Nakilala ang mga opisyal na nasibak na sina Col. Paul Jady Doles ng Caloocan, Col. Jean dela Torre ng Makati, Col. Mary Grace Madayag ng Mandaluyong, Col. Erwin Dayag ng Marikina, Col. Mario Cortes ng Navotas, Col. Melvin Montante ng Parañaque, Col. Deodennis Joy Marmol ng San Juan at Col. Nixon Cayaban ng Valenzuela.

Ayon kay PNP chief Gen. Torre III, hindi ito mag-aalinlangang paalisin sa pwesto ang mga police officers kung kinakailangan depende sa resulta ng kaniyang simulation exercises (SIMEX) dahil maraming mga opisyal ang kwalipikado na magpapatupad ng polisiya nito.

Samantala, bagama’t wala itong intensyon na mamahiya ng mga opisyal, kailangan niya itong gawin upang ma-reassess ng mga nasibak na opisyal ang kanilang commitment sa ipinapatupad na standards.