Arestado ang
isang lalaking Filipino-American matapos umano nitong dinukot ang isang
10-anyos na batang babae na kaniyang nakilala sa isang online gaming platform
na Roblox.
Si Matthew
Macatuno Naval, 27-anyos, ay inaresto noong Abril 13 at kasalukuyang nakakulong
sa Kern County Jail na may pyansang $1.35-milyon.
Nahaharap si Naval
sa mga kaso ng kidnapping, lewd at lascivious acts with a child under 14, at
attempting to exhibit harmful material sa isang minor.
Ayon sa mga
dokumentong nakuha ng korte, kinuha ni Naval ang batang babae sa maliit na
Southern California city ng Taft matapos itong maka-chat online.
Naniwala ang
bata na pupunta lamang sila sa isang malapit na park ngunit umabot ang dalawa
sa mahigit 250 miles ang layo mula sa Elk Grove, malapit sa Sacramento sa
Northern California.
Hindi naman
namalayan ng bata na tila malayo na pala sila habang nasa loob ng sasakyan.
Iniulat ng
mga magulang ng bata na ito’y nawawala dahilan na gumamit ito ng isang tracking
app upang ma-trace ang phone nito sa isang hotspot na may pangalang “Matthew’s iPhone”.
Iniugnay din
ng mga awtoridad si Naval sa isang Roblox unsername na natagpuan sa listahan ng
mga kaibigan ng bata.
Nang tanungin
ang suspek, inakala nitong isang 18-anyos ang batang babae at nanindigang
walang nangyari sa kanila.
Ngunit,
lumalabas sa mga ebidensya ng korte na naghalikan ang mga ito at plinano nitong
ituloy ang sexual activity kapag pumayag ang bata.
Sinubukan din
ng suspek na mag-check-in sa isang hotel ngunit tinanggihan sila nang bigong
magpakita ng dalawang uri ng IDs.
Sinabi naman
ng abogado ni Naval na mayroon itong autism spectrum at medyo hirap sa
pag-intindi at nais lang nitong makipagkaibigan.
Inilabas din
ng korte na mayroong isang post ang bata na, “First time getting kidnapped,
lmao,” habang ipinapakita ang view mula sa sasakyan.
Samantala,
nakatakdang bumalik sa korte si Naval sa buwan ng Hunyo para sa isang preliminary
hearing.
.png)
.png)
0 Comments