PINOY SINGER KLARISSE DE GUZMAN, UMAMIN NA SIYA'Y MAY GIRLFRIEND AT 4-YEARS NANG MAGKARELASYON

 

Ibinunyag ng singer na si Klarisse de Guzman ang kaniyang pagiging bisexual sa isang episode ng Pinoy Big Brother Celebrity Collab Edition nitong Miyerkules.

Kasabay nito, isinapubliko din ng singer ang pagiging suportado ng kaniyang girlfriend na si Christina Rey.

Sa isang segment ng PBB na parte sa task ng celebrity house guest na si Michelle Dee, isa-isang nagbunyag ng kani-kanilang katotohanan sa sarili ang mga housemates.

Isa na rito si Klarisse de Guzman na umamin sa totoo nitong pagkatao at ‘yun ay ang kaniyang pagiging bisexual.

Ibinahagi din ni Klarisse sa publiko ang apat na taon nitong relasyon kay Christina Rey na kasalukuyang nag-aalaga ng kaniyang nanay.

Matapos ang anunsyong it oni Klarisse, nagpahayag ng pagsuporta ang girlfriend nito sa isang Facebook post.

“I AM PROUD OF YOU! I’m always here, always! I’ll wait u here sa outside world. Love wins,” saad sa post.

Nauna nang inamin ni Klarisse na napangunahan ito ng takot mula sa panghuhusga at baka iwan siya ng mga tagahanga nito.

Ngunit, sa kabila nito, ipinagpapasalamat ng singer na tinanggap siya ng buo ng kaniyang pamilya at tila nakaramdam ng pagiging malaya matapos na sabihin ang katotohanan sa kaniyang pagkatao.

“Napakasarap po sa pakiramdam na ito po pala ‘yung pakiramdam ng pagiging malaya,” she said. “Hindi na ako takot, wala na akong kinakatakutan. Sana tanggap pa rin ako ng mga tao, ‘yun lang naman ang prayers ko.”