BUBUYOG, KAHIT MAYROON LAMANG NA MALIIT NA UTAK AY KAYA PA DING MAKAALALA AT MAKAKILALA

 

ALAM NIYO BA | May kakayahang makakilala at makaalala ang mga honeybees o bubuyog ng mukha ng tao sa kabila ng 0.01% lamang na neurons na mayroon ito kumpara sa tao.

Kung ang mga tao ay umaasa sa specialized brain region na tinatawag na fusiform gyrus na tumutulong na makakilala sa mukha ng tao, wala nito ang mga bubuyog pero kaya pa din nilang maalala ang mukha ng tao.

Sa isang eksperimento na pinangunahan ni visual scientist Adrian Dyer mula sa Cambridge University, sinanay ang mga bubuyog na iugnay ang mukha sa isang reward hanggang sa nakakuha ito ng 90% na resulta kahit na walang gantimpala.

Napabilib ang nasabing siyentipiko nang nagawang maalala ng mga bubuyog ang isang mukha at tumatagal pa ng hanggang dalawang araw.

Samantala, namangha naman ang mga netizen sa ganitong cognitive ability na taglay ng mga bubuyog lalo na’t mayroon lamang silang maliit na utak.