PAGGAMIT NG EMERGENCY ALERTS SA PANGANGAMPANYA, KINONDENA NG CIVIL DEFENSE

 

Kinondena ng Office of the Civil Defense ang maling paggamit ng emergency cell broadcast system (ECBS) para sa pangangampanya ngayong paparating na May 2025 Midterm Elections.

Ito’y kasunod ng mga insidenteng nakakatanggap umano ang mga residente sa isang probinsya ng emergency alerts na naglalaman ng pangalan ng isang kandidato na tumatakbo para sa paparating na eleksyon.

Ayon sa ahensya, ang Sistema ay dinisenyo para lamang sa pag-isyu ng mga babala at dapat gawin tuwing may mga sakuna tulad ng lindol, bagyo, at iba pang banta sa publiko.

Dagdag pa ng ahensya, nakakatanggap din anila sila ng kaliwa’t kanang mga reports na ang mga residente ay nakatanggap ng ECBS alerts na may lamang political content at humihikayat na iboto ang isang kandidato.

Kinumpirma din ng mga kumpanya ng telco providers na hindi nila ginagamit ang ECBS sa mga non-emergency alerts messages at maging sa pangangampanya.

Sa ngayon, ini-refer na ang insidente sa National Telecommunications Commission (NTC) at isinailalim na sa imbestigasyon.