MAG-LOLA SA CEBU, TINAGA-PATAY

 

Patay ang mag-lola matapos silang pagtatagain habang natutulog sa kanilang bahay sa Compostela, Cebu.

Sa ulat, magkatabing natutulog ang lola na 68-anyps at ang apo nitong 5-anyos nang bigla nalang silang pinasok ng suspek tsaka pinagtataga.

Maliban dito, tatlong iba pa ang nasugatan ng suspek sa pananaga.

Agad naman siyang sinugod ng mga tao at binugbog.

Ayon kay PSMS Junrey Frias, lead investigator, Compostela Police Station, pinagplanuhan ng suspek ang ginawang krimen na posibleng matindi ang galit sa mga biktima.

Sinasabing gumagamit din umano ito ng ilegal na droga.

Sa ngayon ay nakatakdang sampahan ng kasong murder ang suspek na ikinustodiya ng Compostela Police Station.