4 PINOY, NAWAWALA SA MYANMAR KASUNOD NG 7.7-MAGNITUDE NA LINDOL

 

Nananatiling nawawala ang apat na mga Pinoy sa Myanmar kasunod ng nangyaring 7.7-magnitude na lindol sa lugar nitong Biyernes.

Ayon sa Department of Foreign Affairs, hindi lang dalawang Pinoy ang naitalang nawawala kundi apat.

Kabilang sa mga nawawala ang mag-asawang naninirahan sa isang gusali na gumuho sa gitna ng lindol.

Sinabi pa ng DFA na ang lahat na mga indibidwal na nawawala ay mga professional kung saan ilan sa kanila ay mga guro at nagtatrabaho sa opisina.

Maliban dito ay wala pang mga kamag-anak mula sa Pilipinas ang nakipag-ugnayan sa embahada para sa impormasyon ng mga nawawalang Pilipino.

Matatandaang, nagdulot ng malawakang pagkasira sa ilang mga pasilidad at gusali sa Myanmar ang naramdamang lindol kung saan mahigit 1,600 katao ang namatay habang may ilang sugatan at pinaghahanap sa nasabing bansa.