ICE CREAM NA GAWA SA SIBUYAS, TITIKIM KA?

 

Nakadiskubre ng paraan ang mga estudyante sa Occidental Mindoro State College na gawing samalamig ang mga sibuyas.

Sa isang post ng Flying Ketchup, layunin ng mga estudyante na makatulong sa mga magsasaka kung sakaling bumagsak ang presyo ng mga sibuyas.

Ang “onion ice cream” ay gagawin sa pamamagitan ng Food Processing Center sa ilalim ng College of Agriculture ng naturang eskwelahan.

Ayon kay Arvin Jonathan Flores, head researcher sa likod ng nasabing produkto, may ilang sibuyas aniya ang hindi nabebenta sa merkado dahil sa maliit nitong sukat kung kaya’t naisipan nilang gawin itong ice cream lalo na’t summer season na.

"Malaking tulong sa mga farmers kapag bumaba ang presyo, kapag meron silang mga produce na hindi marketable yung mga sizes," aniya sa isang panayam.