23-ANYOS NA BABAE, NILANGOY ANG 1.8-KM AT 100-TALAMPAKANG LALIM NG DAGAT

 

Ni-rescue ng Philippine Coast Guard nitong Sabado ang isang 23-anyos na babae matapos na matagpuang nakahandusay sa dalampasigan pasado alas-5 ng hapon ng nasabing araw.

Sinasabing nilangoy ng babae ang dagat mula sa Coaco Beach sa Barangay Pampanga, Davao City papunta sa Samal Island.

Kung saan, humigit-kumulang 1.8-kilometro ang layo ng nilangoy nito sa lalim na 100-talampakan.

Ayon kay LTJG Vasit Venturillo, CGS IGACOS Station Commander, isang himala aniyang naabot nito ang Samal sa distansya ng lugar at sa lalim nito.

Agad namang dinala sa Sub-Station Caliclic ang babae upang mabigyan ng atensyong-medikal at pagkain.

Ang naturang babae ay residente ng Barangay Panyalom, Paguibato District at bumitiw sa kaniyang trabaho bilang Domestic Helper.

Samantala, itinurn-over ang 23-anyos na babae sa Department of Social Welfare and Development (DSWD) Region 11 upang mabigyan ng kinakailangan nitong tulong.