URI NG HALAMANG-GAMOT, EPEKTIBONG GAMOT UPANG MAIBSAN ANG SAKIT NA NARARAMDAMAN

 

Naka-develop ng isang abot-kayang painkiller ang University of the Philippines Manila na gawa sa yerba Buena o mas kilala bilang marsh mint o spearmint.

Ayon kay Cecilia Maramba, director ng Institute of Herbal Medicine ng unibersidad, na naghahanap sila ng alternatibong paraan upang maibsan ang sakit at natagpuan nila sa mga karaniwang ginagamit ng traditional healers ang yerba Buena.

Nakitaan ang yerba buena ng ilang mga analgiesic components na makakatulong na maibsan ang sakit.

Sinubukan din ang naturang tanim sa apat na pasyenteng nakakaramdam ng sakit kung saan makalipas ang 30-minuto hanggang isang oras ay hindi na sila nakakaramdam pa ng sakit.

Napag-alaman na tumatagal ng hanggang 13-oras ang pagiging epektibo ng nasabing halamang gamot.

Bagama’t nakitaan ito ng potensyal ay hindi pa ito handa para sa mass production sa bagong teknolohiya at pag-secure ng property rights.